مات ولد البطل

مات البطل. يوم موت البطل زوجة البطل وضعت مولود جديد. فرحوا أحباء البطل و قالوا هذا هو اللي ماشي يخلف البطل و ذاك الليث من ذاك الغدنفر. كبر الوليد و الناس توصي راك ولد البطل و لازمك تكون بطل. اشكون يجيبنا حقنا إلا البطل تي البطل هو الي يعرف من أين تأكل الكتف هو مستانس بأكل الكتف.

نهار ولد البطل يلعب من أندادو في الكرة طاح جا على راسو خرج الدم قالولو انت ولد البطل. لاباس. الوليد راسو وجعو لاباس الوليد كان واقف طاح الدوام لله.

مات ولد البطل.

الام محروقة على كبدتها على ولدها " اللي كبر اللي قرا اللي اللي اللي" جاوها أحباء البطل قالولها "هذا تسيب كيفاش تخلي ولد البطل يلعب الكرة راهو ولد البطل لازمو يقعد مع الكبار" هي تبكي و تنحب و تقول" ولدي مات" دارلها واحد من الأحباء قاللها" دويو و أحنا اشكون لينا و قضيتنا و بطلنا و حقنا و و و و و و و و تي حتى واحد لا يعرف لحكاية باظبط باش يطلب الحق". تنهدت الأم و قالت:" الحق هز راجلي و هز وليدي و أنا صابرة لين يهزني حذاهم".